Asake Dey Deal With Afro Amapiano Beat O! (Dont Hype Me) Don Comot!! (Fan View) - 9jaflaver

Light Dark




Asake Dey Deal With Afro Amapiano Beat O! (Dont Hype Me) Don Comot!! (Fan View)

Just recently i say make i run some check on latest jam wey dey online na im i come across one music Mr Money. No Vex o, the song na last year 2020 dem release am after the corona virus lockdown wey sweep men comot for dem feet.

As I download the song, I wonder which kind vibe this guy use, e no even stress him sef just as Star Boy “No Stress” song dey. The guy just use the Amapiano beat scatter everywhere for mah head. I wonder which kind cool artist be this wey people never hear of sef. Later on na im I come start dey see some of him song for some mixtapes wey i download such as DJ SJS mix and others.

Even the song sef come get remix with Zlatan and ThirtybeeGee artist Peruzzi o. That Peruzzi side give me joy no be small o. Zlatan carry him own street vibe come too.

Me don become Asake fan already from that day on wey i listen to him jam. As per e get as d industry be na, artist sometimes no dey too release jam just like that anyhow. so i gats dey wait for another one by this guy. As I dey wait, other song wey carry amapiano vibe begin to trend as artist start dey jump on am. U no go blame dem na, producers no get choice dan to join the moving trend. Phyno O, Masterkraft O, Falz O, Davido O, all of dem run tinz with dis Amapiano trend o.

E bin say i too don wait o, na im i see new jam wey comot wey DJ Xclusive feature am and Young Jonn. My Belle sweet me, omoh i rush download am immediately, my expectation na 100% and he no dissapoint, the Amapiano beat mad join, the follow up na die, bros my love for the song no be here, na so Gegeti just dey my mouth for nearly one week straight. My neighbours sef don dey vex because my sony sound system na blast!! but since na 9ja we dey, man gats mind him business o.

U knw as e dey be na, we dey always ask for more like the days of when Pepsi Ask For More dey trend for under canter bottle. I relax dey wait for new release, naso my bro just drop anoda one this time only am again wey him titled Dont Hype ME. Lolz Jooor Joor Jooor Dont hype me Joor. I no go talk much o!! Go stream am or you download am make you hear am too!!

This fan view was written and sent to 9jaflaver by Ikechukwu J. O.

 Whatsapp  Twitter  Facebook

Follow 9jaflaver On: Twitter | Instagram | Facebook

Promote Music, Video, Comedy Skit On 9jaflaver
Call: +2348173379226 Or +2348143945195

Whatsapp: +2349027283345

Comment Below:-

Enter Name Below (Optional)

Enter Comment Below:-


© 2014-2021 9jaflaver. All Rights Reserved.

About us||Content Remova||Privacy Policy|Contact us

Advertis|Request For Music

9jaflaver is not responsible for the content of external sites.